Azaad!

Tum saath the uss din

Jab thi aisi barsaat

Tum saath the uss din

Jab kahi tumse har baat

Saath bhi the uss din

Jab bheege hum saari raat

Naa jaane kahaan gaye ho ab

Bheeg raha hoon tum bin

Tarasein nain chahein ik mulakat

Ab tham ja aye barsaat; tu tham ja aye barsaat!

Maine kaha tha tujhse

Tujh bin jee na paaoonga

Aankhein jo kholoon aur; Naa saamne ho tum

Iss zindagi se main; Toh rooth jaaoonga

Naa jee sakoonga main;

In tanhayeeon mein yoon..

Raahon mein kho hee jaaoonga 

Main toh jee na paaoonga..

Tu ne kaha tha mujhse

Naa jaaoongi main kaheen

Leti hoon yeh kasam

Rahoongi hamesha yaheen!

Aaj mudke dekhoon toh

Dikhti hai tanhayee

Jab saath chodna tha

Toh kyun kasam khayee?

Ab har kadam par main

Kyun mudta rehta hoon?

Shayad tum aa jaao

Kyun khudse kehta hoon?

Kyun karta hoon ummeed?

Kyun tumhe yaad karta hoon?

Jo kho gaya use

Ab aazaad karta hoon!

Teri yaadon ko main man, se azaad karta hoon!